· 留著記憶里風景
留著記憶里風景
2011-5-16 9:31:23 阅读31 评论11 162011/05 May16
好耐好耐都沒寫過日子了，呢個時期甘浮躁，沒咩心機寫日誌，不過呢個一定要MARK低！
話說我從未捻過參加歌友會啊同簽唱會，做左FANS11年，唔系唔想參加，系沒咩機會，
楊小姐今次難得出國語碟，（雖然好hea), 難得來內地瘋狂宣傳，真系博得好盡……
當一直到有歌友會就好激動，想盡辦法，希望可以抽到票，意外既系，轉發微博，我竟讓中左兩張飛，歌迷會入面又有埋名額……
真系開心死了……廢話唔多提，講翻513個晚既事。
主辦方真系運吉噶，沒安排位置俾歌迷會，我帶湯文小朋友入既，可能要企住睇show，霎時感到非常唔好意思。
不過多得樂仔同學，知道我地沒地方錯，好醒目地霸左位比我，淚流滿面呀！
之後我地就開始等楊千嬅，等N耐。首先系彭永堔出來唱幾首歌，我就記得距唱左《人間昆蟲記》，其他唔記得了，
不過主持同彭講野個陣，仲唱埋《直覺》，好驚訝啦，竟然會清唱呢首，楊都未必識啊，應該話楊宜家肯定唔識唱了……
千呼萬喚，楊千嬅終於出來了！就好似期待演唱會甘，超級HIGH…
首先就來首《READY OR NOT》，演唱會編曲既，終於覺得呢首歌正了，楊越唱越HIGH……
之後就唱左《女人三十》《醒了》《少女的祈禱》《斗零踭》……《少女的祈禱》唱錯左，重唱左，有沒搞錯，楊重唱都一樣唱錯……
在樂仔的帶動下，我都跟住唱，比演唱會仲HIGH啊！
期間玩左兩個遊戲，我好想上臺玩噶，遊戲一定唔會難到邊……
我拿住LADIES&GENTLEMEN 演唱會既M字扇不停甘FING，個主持好唔爽，話做咩圈距啊，於是我一直沒機上臺……
到左最後一個環節，接歌仔，楊千嬅同主持點人上臺玩遊戲……
楊千嬅望向我地呢邊個陣，我就舉起M字扇，於是，我好幸運地俾楊抽左上臺……
楊問我地熟唔熟國語歌，我好驚訝地表示唔識，楊就好大反應……
首先唱出國語碟既《還未完成的拼圖》“愛愛愛”，死啦，我之前仲特登去睇左呢首歌歌詞噶，不顧都系唔記得，就記得點樣哼……
不過我還記得最後一句既，愛情，就像拼圖美麗般碎片……第一輪，我地臺上遊戲既5位都好HEA……
好啦，第2論，楊唱著"曾經"……好啦，又繼續接……好慶倖，呢首我識啊，我喜愛的《有發生過》……
我左邊既女仔唔識，於是就提示距……
輪到我，我都唔記得唱到邊了……系了，之後我唱左“呼天不應 留著記憶里風景 為我去指證”
（我之後先發現，原來我唱錯個正確既應該系 叫天不應， 翻睇楊千嬅L&G 演唱會呢首歌，原來楊都唱錯……）
輪到我右邊個位，又系唔識，於是我繼續提水，我真系好想搶著個咪繼續唱落去噶……
最後贏左份獎品----簽名CD，好開心，仲握埋手啊！完全沒捻過噶！（其實我完全唔激動，個晚我沒失眠！）
事後，心想，點解當初唔問幾個問題呢，點解當初唔帶中狼來了俾楊簽呢？下次都唔知有沒機會咯。
不過呢個MOMENT我唔會忘記噶，5月13日晚上9點左右。
（具體發生什麽，省略10000字）
完場前，開始ENCORE，楊小姐好俾面地唱左四只經典歌曲《再見二丁目》《飛女正傳》《野孩子》《愛人》
楊千嬅以後都會系唱呢D歌噶啦，稍微沒甘經典既《木偶奇遇記》呢D都唔肯唱，《私奔》肯定唔識唱噶啦，都系聽完CD算了……
最後一首歌《小城大事》，聽到沒慾望再聽既歌曲。呢次歌友會真系好似演唱會甘HIGH，畢生難忘啊！
上臺玩遊戲，好囧……
走到舞臺邊邊影，好近噶！
请点击查看影音文件...
第50秒影到我……食薯條……
到左514，從佛山去到廣州萬達廣場，繼續支持楊千嬅……多謝高層既然管理員，我好幸運地入左場內，繼續近距離見到楊千嬅……
请点击查看影音文件...
粉絲們唱醒了，我都唱左一小句噶……
簽唱會時間好短，大概講下野，就開始簽了。
第一次參加，應該都系最後一次參加了！
見到呢張圖好興奮，呢張圖系楊千嬅發噶！
參加歌友會簽唱會呢D活動，雖然見到楊千嬅好開心，不過呢，我覺得更開心既系可以同喜歡楊千嬅既朋友們相見。
好難得，來自唔同地方既朋友都為左個活動聚埋一齊，有D朋友可能系第一次見，不過好似老朋友甘，呢種感覺好好。
我地可以不停傾有關楊千嬅既野，八卦，歌曲，電影……
D人問我點解可以中意楊千嬅甘耐，
系因為仲有一大班FANS一齊支持，一齊經歷。
一切都系有發生過的回憶。